Ermənistan sülh prosesini və kommunikasiyaların açılmasını ləngidir. Aprelin 26-da Bakıda Prezident İlham Əliyevlə Rusiya baş nazirinin müavini Aleksey Overçukun görüşündə bu mövzu müzakirə edilib. Görüşdə kommunikasiyaların açılması üzrə Rusiya-Azərbaycan-Ermənistan üçtərəfli komissiyasının qarşıdakı fəaliyyəti diqqət mərkəzində olub.
İ.Əliyev qeyd edib ki, Azərbaycanın əsas hissəsini Naxçıvanla birləşdirəcək dəmir yolunun 60 kilometrlik hissəsi artıq tikilir. İşlər 2023-cü ildə başa çatdırılacaq. Avtomobil yolunda da işlər cədvəl üzrə gedir.
Prezident bildirib ki, Ermənistan tərəfindən bunlarla bağlı heç bir işə başlanılmayıb, İlham Əliyev deyib ki, Ermənistan öz ərazisindən keçməsi nəzərdə tutulan avtomobil yolu marşrutunun coğrafi koordinatlarını belə qeyd etməyib. Dövlət başçısı vurğulayıb ki, Azərbaycanın bu məsələni dəfələrlə qaldırmasına baxmayaraq, bununla bağlı Ermənistandan heç bir cavab gəlməyib.
Görüşdə ticari-iqtisadi, nəqliyyat, tranzit, logistika, maliyyə, bank, energetika, neft-qaz sahələrində əməkdaşlıq məsələləri də müzakirə olunub.
Ermənistanın vaxtaşırı bu cür davranışları nədən xəbər verir? Kommunikasiyaların açılmasını ləngidən bir dövlət və onun rəhbəri sülh müqaviləsinə necə yanaşacaq? Moskva, Brüssel görüşlərində kommunikasiyaların açılması, delimatiya, demarkasiya məsələləri, mina xəritələrinin Azərbaycana verilməsi ilə bağlı ilkin razılıq əldə edilib. Amma hər dəfə Ermənistan bu razılaşmaları pozur. Azərbaycan Ermənistanın nazı ilə sonsuzadək oynayacaqmı? Moskvadan, Brüsseldən (Aİ) Ermənistan kommunikasiyaların açılmasını sürətləndirməsi üçün təzyiq olacaqmı?
“Ukraynanın Buça şəhərində baş verənlərin Rusiya ordusuna heç bir aidiyyatı yoxdur. Lakin Moskva bu təxribatı kimin törətdiyini bilir”.
Bunu Rusiya Prezidenti Vladimir Putin BMT-nin Moskvada səfərdə olan Baş katibi Antonio Quterreşlə görüşdə deyib.
Putin bildirib ki, İstanbulda Rusiya-Ukrayna danışıqlarında ciddi irəliləyişə nail olunub. Lakin danışıqları davam etdirmək üçün açıq niyyət olduğu anda Moskva belə bir təxribatla üzləşib. Bundan sonra vəziyyət köklü şəkildə dəyişib.
Putin qeyd edib ki, hadisələrin Rusiya ordusuna heç bir aidiyyatı olmasa da, Moskva bu təxribatı kimin və hansı vasitələrlə törətdiyini bilir.
Bu və gündəmdəki bir çox xəbərləri bu gün Xural TV-nin rəhbəri Əvəz Zeynallı ilə müzakirə edəcəyik. Müzakirədə tamaşaçılarımız da iştirak edə bilər.
Facebook səhifəsinin ünvanı:
https://www.facebook.com/tvmusavat
Youtube səhifəsinin ünvanı:
https://www.youtube.com/user/TVmusavat
Musavat.com
