Azov dənizindəki hücumlardan sonra Rusiya Azov-Don dəniz kanalından gəmi daşımalarını dayandırıb.
Musavat.com xarici mediaya istinadla xəbər verir ki, bu fonda Avropada buğda qiymətləri artaraq, son altı həftədə ən yüksək səviyyəyə çatıb.
Məlumatlara görə, Azov-Don dəniz kanalının bağlanması qərarı Azov dənizində 13 Rusiya gəmisinə edilən hücumlardan sonra verilib. Onların arasında on tankerin də olduğu bildirilir.
Bildirilir ki, Rusiyanın Federal Təhlükəsizlik Xidmətinin sərhədçiləri gəmiçilik şirkətlərinə dünən yerli vaxtla saat 18:10-dan etibarən Kerç boğazından keçmək üçün müraciətləri qəbul etməyəcəyi barədə məlumat veriblər. Bildirişdə bu məhdudiyyətlərin müddəti göstərilməyib.
Mütəxəssislər vurğulayırlar ki, Rusiya buğda ixracının dörddə birinə qədəri Azov dənizindən keçir. Ölkənin əsas taxıl istehsal edən bölgələrindən ikisi olan Rostov vilayəti və Krasnodar diyarı onun sahilində yerləşir. Bundan əlavə, Kerç boğazı Rusiyanın Qara dəniz hövzəsindəki ikinci ən böyük limanına ev sahibliyi edir və bu marşrutu xarici ticarət üçün böyük əhəmiyyətə çevirir.
Təchzatın dayandırılması ilə bağlı xəbərlərdən sonra “Euronext” birjasında buğda qiymətləri ticarətdə təxminən 4% artaraq altı həftənin ən yüksək səviyyəsinə çatdı.
Musavat.com
