Xəbər verdiyimiz kimi, Türkiyənin Ərzincan şəhərinin İliç rayonunda torpaq sürüşməsi baş verib.
Musavat.com "Haberler.com" nəşrinə istinadən xəbər verir ki, qızıl mədəni ərazisində baş verən hadisənin yeni görüntüləri yayılıb.
Məlumata görə, yerli vaxtla saat 14.30 radələrində Eski Değirmen bölgəsində baş verən sürüşmədən sonra əraziyə çoxlu axtarış-xilasetmə qrupu göndərilib.
Türkiyənin daxili işlər naziri Ali Yerlikayanın sözlərinə görə, hadisə zamanı mədəndə olan 667 işçidən 9-u itkin düşüb.
Nazir bildirib ki, ərazidə aparılan axtarış-xilasetmə işlərinə 400 nəfərlik işçi qüvvəsi və 40-dan artıq texnika cəlb olunub.
Musavat.com
