ABŞ və müttəfiqləri Rusiya neftinin qiymət tavanından yuxarı satışının qarşısını almaq üçün əlavə tədbirlər hazırlayıblar.
Musavat.com xəbər verir ki, bu barədə ABŞ Maliyyə Nazirliyi məlumat yayıb.
Dəyişikliyə əsasən tavana əməl edən ölkələrin xidmət provayderlərindən Rusiya neftini hər dəfə yükləyəndə və ya göndərəndə öz tərəf müqabillərindən təsdiq almaları tələb ediləcək. Eyni zamanda sığorta və icarə kimi ətraflı əlavə xərclərə dair məlumatlara çıxışı olan təchizat zənciri iştirakçısından həmin məlumatları digər iştirakçılarla bölüşmələri tələb olunacaq. Nəticədə, Rusiya neftini alan, daşıyan, təkrar satan, sığortalayan və digər bütün iştirakçılar alış qiyməti, sığorta, icarə haqqı və digər xərclərdən məlumatlı olacaqlar.
Musavat.com
