Türkiyə və Rusiya prezidentləri Rəcəb Tayyib Ərdoğanla Vladimir Putin arasında görüş başlayıb.
Musavat.com bu barədə "Report"a istinadən xəbər verir.
Liderlər İranda keçiriləcək üçtərəfli sammitdən əvvəl bir araya gəliblər.
***
İranda keçiriləcək üçtərəfli sammit öncəsi Rusiya və Türkiyə prezidentləri Vladimir Putinlə Rəcəb Tayyib Ərdoğanın görüşü başa çatıb.
"Report" bu barədə "Habertürk"ə istinadən xəbər verir.
Astana formatında bir araya gəlməyin böyük üstünlük olduğunu vurğulayan Ərdoğan deyib:
"Burada əldə edəcəyimiz nəticə bütün dünya üçün müsbətdir. Ümid edirəm ki, Rusiyanın vasitəçilik formatında rolu müsbət olacaq. Danışıqların məhsuldar olacağına inanıram”.
Vladimir Putin öz növbəsində qeyd edib: "Qara dənizdəki limanlardan taxıl ixracı ilə bağlı bütün problemlər hələ həll olunmayıb, lakin bununla bağlı müəyyən aktivlik var. Türkiyənin vasitəçiliyi sayəsində biz taxıl ixracında irəliləyiş əldə etdik".
