Parisdə keçirilən Yay Olimpiya Oyunlarında Azərbaycan komandasına hələlik yeganə qızıl medalı qazandıran cüdoçu Hidayət Heydərovun Azərbaycana qayıdacağı vaxt məlum olub.
İdmançımız avqustun 4-də vətənə qayıdacaq. Publika.az-a bu barədə Azərbaycan Cüdo Federasiyasından eksklüziv məlumat verilib.
Olimpiya çempionumuzun olacağı təyyarə səhər saat 05:15-də Bakıda, Heydər Əliyev adına Beynəlxalq Hava Limanına eniş edəcək.
Qeyd edək ki, Paris Yay Olimpiya Oyunları avqustun 11-dək davam edəcək.
