"Qarabağ" UEFA Çempionlar Liqasında növbəti oyununu keçirib.
"Report"un məlumatına görə, Qurban Qurbanovun baş məşqçisi olduğu komanda Bakıda Cəbəllütariqin "Linkoln" kollektivini qəbul edib.
Qarşılaşma Azərbaycan çempionunun 5:0 hesablı qələbəsi ilə yekunlaşıb.
17, 31 və 44-cü dəqiqədə fərqlənən Olavio Juninyo het-trik edib. 66-cı dəqiqədə Yassin Benzia adını tabloya yazdırıb. 72-ci dəqiqədə Leandro Andrade baxımlı qolla yadda qalıb.
Səfərdə rəqibini iki cavabsız topla üstəyən "köhlən atlar" hər iki oyunun nəticəsinə əsasən III təsnifat mərhələsinə yüksəlib.
"Qarabağ" bu raundda "Ludoqorets" (Bolqarıstan) - "Dinamo" (Minsk, Belarus) cütünün qalibi ilə üz-üzə gələcək. İlk matçda "Ludoqorets" qələbə qazanıb - 2:0.
***
Bakıda "Qarabağ" və Cəbəllütariqin "Linkoln" klubları arasında keçirilən UEFA Çempionlar Liqasının II təsnifat mərhələsinin cavab matçında növbəti qol vurulub.
Musavat.com-un məlumatına görə, Azərbaycan çempionu beşinci dəfə topu rəqib qapısından keçirib - 5:0
"Köhlən atlar"ın heyətində 72-ci dəqiqədə Leandro Andrade fərqlənib.
***
Bakıda "Qarabağ" və Cəbəllütariqin "Linkoln" klubları arasında keçirilən UEFA Çempionlar Liqasının II təsnifat mərhələsinin cavab matçında növbəti qol vurulub.
Musavat.com-un məlumatına görə, Azərbaycan çempionu dördüncü dəfə topu rəqib qapısından keçirib. - 4:0.
"Köhlən atlar"ın heyətində 66-cı dəqiqədə Yassin Benzia fərqlənib.
***
Bakıda "Qarabağ" və "Linkoln" klubları arasında keçirilən UEFA Çempionlar Liqasının II təsnifat mərhələsinin cavab matçında ilk hissə başa çatıb.
Musavat.com xəbər verir ki, Azərbaycan çempionu fasiləyə üstün yollanıb - 3:0.
"Köhlən atlar"ın hər üç qolunu Olavio Juninyo vurub.
Braziliyalı forvard 17, 31 və 44-cü dəqiqədə qonaqları məyus edib.
***
Bakıda "Qarabağ" və "Linkoln" komandaları arasında keçirilən UEFA Çempionlar Liqasının II təsnifat mərhələsinin cavab matçında ikinci qol vurulub.
Musavat.com xəbər verir ki, "köhlən atlar" hesabda önə keçiblər - 2:0.
***
Bakıda "Qarabağ" və "Linkoln" komandaları arasında keçirilən UEFA Çempionlar Liqasının II təsnifat mərhələsinin cavab matçında hesab açılıb.
Musavat.com xəbər verir ki, Azərbaycan çempionunun heyətində 17-ci dəqiqədə Olavio Juninyo fərqlənib.
***
"Qarabağ" və Cəbəllütariqin "Linkoln" komandaları arasında keçirilən UEFA Çempionlar Liqasının II təsnifat mərhələsinin cavab oyunu başlayıb.
Musavat.com xəbər verir ki, Tofiq Bəhramov adına Respublika stadionundakı qarşılaşma saat 20:00-da start götürüb.
Matçın baş hakimi danimarkalı Yakob Sandberqdir.
Qeyd edək ki, səfərdəki oyunda Azərbaycan təmsilçisi qələbə qazanıb - 2:0.
