"Los-Ancelesdəki yanğın böyük oğlumun evinə yaxınlaşır. Həyəcandan yatmamışam".
Musavat.com xəbər verir ki, bu sözləri müğənni Nura Suri sosial şəbəkə hesabında paylaşıb.
Qeyd edək ki, müğənninin iki oğlu uzun müddətdir Los-Ancelesdə yaşayır.
ABŞ-ın Kaliforniya ştatının Los-Anceles bölgəsində davam edən meşə yanğınları nəticəsində 2 mindən çox evin dağıldığı bildirilir. Hesabatlara görə, risk altında olan ev və binaların sayı 15 minə yaxındır. İqtisadi itkilər isə son 24 saat ərzində iki dəfədən çox artaraq təxminən 50 milyard dollara çatıb.
Yanğın zamanı bir sıra məşhurların, o cümlədən amerikalı aktrisa, iş xanımı, model və müğənni Paris Hilton-un Malibu sahilində yerləşən evi tamamilə məhv olub.
Xalidə Gəray
Musavat.com
