Las-Veqasdakı Nevada Universitetində baş verən atışma nəticəsində 3 nəfər həlak olub.
Musavat.com xarici mediaya istinadla xəbər verir ki, bu barədə yerli polis idarəsi X sosial şəbəkəsində məlumat yayıb.
Daha əvvəl naməlum şəxsin atəş açdığı bildirilib. Onun artıq öldüyü dəqiqləşdirilsə də, ölümünün səbəbi açıqlanmır. Polis hazırda heç bir təhlükə olmadığını bildirib, lakin hücumçunun cinayətinin motivi naməlum olaraq qalır.
Polisin bəyanatında deyilir: "Hadisə yerində olan müstəntiqlərimizin məlumatına görə, üç ölüm var və daha bir yaralı ağır vəziyyətdə yerli xəstəxanada qalır".
Bundan əvvəl ABŞ-da naməlum şəxs Hellouin bayramını qeyd edənlərə atəş açmışdı.
Bir gün əvvəl media 2023-cü ili ABŞ-da kütləvi atışmaların sayına görə rekord il adlandırmışdı.
Musavat.com
