Bakıda “Range Rover”dən oğurluq edən şəxs saxlanılıb.
Bu barədə Musavat.com-a DİN Mətbuat Xidmətindən məlumat verilib.
Belə ki, Nəsimi Rayon Polis İdarəsinin 21-ci Polis Bölməsinə ötən il dekabrın 30-da rayon ərazisində “Range Rover” markalı avtomobildən 6000 manatın oğurlanması barədə məlumat daxil olub.
Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Ağdaş rayon sakini T.Ağayev müəyyən olunaraq saxlanılıb.
Pul oğurlanan avtomobil tanınmış müğənni Nəfəsə məxsusdur. O, bu barədə sosial şəbəkə hesabında məlumat vermişdi.
