Türkiyənin tanınmış aktyoru Aydemir Akbaş İstanbulda yaşanan taksi probleminə öz etirazını bildirib.
Musavat.com xəbər verir ki, ağciyərlərin xroniki obstruktiv xəstəliyindən əziyyət çəkən aktyor tanış taksi sürücüsü ilə təsadüfi rastlaşması nəticəsində xəstəxanaya gedə bildiyini deyib.
"10 il əvvəl xərçəngə qalib gəldim. Bu xəstəlik isə 11 ildir mənimlədir. Saat 9-da müayinədə olmalı idim. Amma 11-in yarısında hələ də taksi gözləyirdim. Qucağında körpələri ilə taksi gözləyən qadınları görəndə dəli oluram. Taksi çatışmazlığı istanbulluların əzabıdır. Xahiş edirəm, bu problemi tezliklə həll edin", - aktyor qeyd edib.
