Britaniyalı aktyor Cud Lou “Kreml sehrbazı” kitabını fransız rejissoru Olivye Assayas tərəfindən çəkiləcək film adaptasiyasında Vladimir Putin rolunu oynamağa razılaşıb.
Musavat.com xəbər verir ki, layihə barədə “Deadline” portalı məlumat yayıb.
Film İtaliyanın baş naziri Matteo Renzinin keçmiş müşaviri Culiano da Empolinin eyniadlı romanı əsasında çəkiləcək. Süjet siyasi karyerasının başlanğıcında Putinlə işləmiş siyasi strateq Vadim Baranovdan bəhs edir. Bəzi tənqidçilərin fikrincə, Baranovun obrazı Vladislav Surkovun şəxsiyyəti ilə səsləşir.
“Deadline” ilə müsahibədə Cud Lou oynayacağı rol üzərində işləməyə yeni başladığını və qarşısında böyük bir vəzifə olduğunu hiss etdiyini bildirib.
“Mən hələ də bu barədə bir az şübhə ilə danışıram, hələ də Everestə yaxınlaşıram, baxıb düşünürəm, ya İsa, niyə “hə” dedim. Mən tez-tez “hə” deyəndə belə hiss edirəm”, - aktyor öz emosiyalarını bölüşüb.
Musavat.com
