Türkiyədə mart ayında keçiriləcək bələdiyyə seçkiləri öncəsi İYİ Partiya rəhbəri Meral Akşener barədə kulislərdə səs-küylü iddialar səslənir.
Musavat.com "Haberler.com"a istinadən xəbər verir ki, Akşener İdarə Heyəti toplantısında bütün şəhərlərdə müəyyənləşəcək namizədlər üçün partiya üzvlərindən tam səlahiyyət istəyib və seçkidə səslərin 11 faizə çatmadığı təqdirdə vəzifəsini tərk edəcəyini bildirib.
"Seçkidə qalib gəlsək, hamımız qazanırıq, uduzsaq, mən uduzacağam. Bu müddət ərzində namizədləri müəyyən etmək üçün sizdən bütün səlahiyyətləri istəyirəm. Seçkidə qalib gəlməsək, lazım olanı edib evimə qayıdacağam", - o deyib.
Yayılan iddialarla bağlı partiyadan yazılı açıqlama verilib:
"Bu iddia real deyil və sədrimiz heç vaxt belə açıqlama verməyib".
Musavat.com
