Hadrut və Şuşadan olan "məcburi köçkünlər" ABŞ-ın İrəvandakı səfirliyi yaxınlığında piket keçirib.
Musavat.com xəbər verir ki, bu barədə erməni teleqram kanalları məlumat yayıb.
Məlumatda bildirilir: "Fəallar diplomatik nümayəndəliyin əməkdaşlarına məktub təqdim ediblər, orada onları narahat edən məsələlər – Qarabağ əhalisinin təhlükəsizliyi və 9 noyabr 2020-ci il tarixli sazişlərin icrası ilə bağlı məsələlər qeyd olunub. Bundan əvvəl məcburi köçkünlər Rusiya və Fransa səfirlikləri yaxınlığında etiraz aksiyası təşkil ediblər. Onların BMT-nin İrəvandakı ofisində də piket keçirmələri planlaşdırılır".
Göründüyü kimi, Ermənistan Qarabağdan qaçan erməniləri yerləşdirmək və onların ən minimum tələblərini ödəmək imkanında deyil. Onlar da qarşılığında xarici ölkə səfirliklərinə üz tutub, mədəti onlardan umurlar.
