Belarus prezidenti Aleksandr Lukaşenko səsini itirdiyini bildirib.
Musavat.com xəbər verir ki, o bu barədə bahalaşmaya həsr olunmuş hökumət müşavirəsində məlumat verib.
Prezident bildirib ki, səsi batsa da, müşavirəni başqa vaxta keçirə bilməzdi: “Səs yoxdur, ona görə də görüşü pıçıltı ilə keçirəcəyik, onu başqa vaxta keçirmək imkanı da yoxdur”.
Beləliklə, Lukaşenko qiymətlərin tənzimlənməsi və qiymətə nəzarət sisteminin təkmilləşdirilməsi ilə bağlı yarıpıçıltılı iclas keçirib.
Qeyd edək ki, may ayında Lukaşenko adenovirusdan əziyyət çəkdiyini bildirib. Lakin o, ölmək fikrində olmadığını bildirib.
Musavat.com
