Ermənistanın ikinci prezidenti Robert Köçəryanın qohumlarıyla birlikdə ölkəni tərk etmək niyyətində olduğu ilə bağlı xəbər geniş rezonans doğurub. Nikol Paşinyana yaxın “Hraparak” qəzetinin yaydığı bu xəbər “bomba effekti” verib. Məsələ o həddə qədər böyüyüb ki, Robert Köçəryanın ofisi açıqlama yaymağa vadar olub.
“Oxucunu bu nəşrə təbəssümlə yanaşmağa dəvət edirik”.
Musavat.com xəbər verir ki, bunu Ermənistanın ikinci prezidenti Robert Köçəryanın ofisinin rəhbəri Baqrat Mikoyan “Hraparak” qəzetinin Köçəryanın qohumlarıyla birlikdə Ermənistanı tərk etmək niyyətində olması ilə bağlı sualını cavablandırarkən deyib.
Köçəryanın Ermənistanı tərk etmək niyyətində olub-olmaması ilə bağlı suala Mikoyan belə cavab verib: “Adı çəkilən KİV-in bu nəşri həqiqətən unikaldır: istifadə olunan sözlərin sayı ilə müqayisədə biz heç yerdə bu qədər dezinformasiya və yalan sıxlığını görməmişik. Oxucunu bu nəşrə təbəssümlə yanaşmağa dəvət edirik”.
Musavat.com
