İsrailin Qəzza zolağında həyata keçirdiyi hava hücumları nəticəsində azı 20 fələstinli həyatını itirib, onlarla insan yaralanıb.
Musavat.com xəbər verir ki, bu barədə Mülki Müdafiə sözçüsü Mahmud Basal açıqlama verib.
Basalın sözlərinə əsasən, İsrailin Cəbəliyada köçkünlərin sığındığı bir məktəbi bombalaması nəticəsində ikisi uşaq olmaqla 8 nəfər həlak olub, 30-dan çox insan yaralanıb. Yaralıların 19-u uşaqdır.
Şucayyə və Əl-Rimal məhəllələrindəki evlərə endirilən zərbələr nəticəsində isə 5 nəfərin öldüyü bildirilib. Bundan əlavə, Əl-Nəfəq küçəsində vətəndaşların toplaşdığı bir yerə endirilən hava zərbəsi 4 nəfərin həyatına son qoyub.
Hücumlar bölgədə böyük dağıntılara və insan tələfatına səbəb olub, vəziyyətin gərgin olduğu bildirilib.
Musavat.com
