Beyin-çip texnologiyası gələcəyə yönəlir: İnsan beyninə çip yerləşdirmə təcrübələri sürətlənir
ABŞ-da texnoloji irəliləyişlərə öncülük edən “Neuralink” şirkəti insan beyninə çip implantasiya prosesində yeni bir mərhələyə qədəm qoyub. Şirkət üçüncü şəxsə beyin çipi yerləşdirərək, bu sahədəki təcrübələrini genişləndirməyə davam edir.
Musavat.com Las-Veqasda keçirilən texnologiya konfransında çıxış edən İlon Mask, artıq üç şəxsin beynində Neuralink çipinin mövcud olduğunu və onların uğurla fəaliyyət göstərdiyini vurğulayıb.
Maskın sözlərinə görə, bu texnologiya həm nevroloji problemlərin həlli, həm də insan-makina interfeyslərinin inkişafında mühüm rol oynayacaq.
2025-ci il üçün daha 20-30 şəxsin bu texnologiyadan yararlanacağını açıqlayan Mask beyin-çip inteqrasiyasının tibb və texnologiya sahəsindəki imkanları genişləndirəcəyini ifadə edib. Bu, həmçinin insanların çip vasitəsilə əqli funksiyalarını artırmasına da şərait yarada bilər.
