"Bayer" və Rusiya millisinin sabiq qapıçısı Andrey Lunev karyerasını davam etdirmək üçün ilk növbədə Avropadan variantları nəzərdən keçirdiyini bildirib.
Sportinfo.az xəbər verir ki, rusiyalı qolkiper Leverkuzen klubundan ayrılsa da, Rusiyaya qayıtmaq fikrində deyil:
"Hər şeyi nəzərdən keçirirəm. Amma Avropada qalmaq, yaxşı səviyyədə oynamaq istəyirəm. Gücüm var, sağlamlığım da yerindədir".
Lunyov 2021-ci ilin yayından “Bayer”də çıxış edirdi. Qışda “Qarabağ” Andreyi icarəyə götürmək istəsə də, keçid baş tutmamışdı.
Rusiyalı qolkiper daha əvvəl “Zenit”, “Ufa”, “Saturn”, “Torpedo” kimi klubların qapısını qoruyub.
