İsrailin müdafiə naziri Yoav Qalant bildirib ki, hərbçilər Fələstinin radikal HƏMAS hərəkatının liderlərini layiq olduqları yerə göndərəcək.
Musavat.com xarici mediaya istinadla xəbər verir ki, bu barədə “The Jerusalem Post” qəzeti yazıb.
Sözügedən nəşr bildirir ki, müdafiə naziri Qəzza zolağı ilə sərhəd bölgəsində əməliyyat vəziyyətinin qiymətləndirilməsi üçün keçirilən iclasda çıxış edib.
“Qəzza zolağındakı əməliyyat mərhələli şəkildə baş tutacaq və biz məqsədlərimizə çatana qədər davam edəcək. Biz dayanmayacağıq. Biz HƏMAS liderlərini layiq olduqları yerə – ya qəbiristanlığa, ya da həbsxanaya çatdıracağıq”, – Yoav Galant deyib.
Musavat.com
