Noyabrın 4-də Göyçə mahalında - Qeqarkunik rayonunda dəhşətli qəza baş verib.
Musavat.com bu barədə erməni mediasına istinadən xəbər verir.
Bildirilir ki, saat 06:10 radələrində Tsovaqyux-Şorja yolunun 25-ci kilometrliyində “Honda CRV” və “Ford Transit” markalı avtomobillər toqquşub. Nəticədə bir nəfər yerindəcə dünyasını dəyişib. Zərərçəkənlərdən 4-ü Çambark tibb mərkəzinə yerləşdirilib. Daha sonra oradan polis bölməsinə zərərçəkənlərdən daha birinin öldüyü barədə məlumat daxil olub.
Hüquq-mühafizə orqanlarının əməkdaşları ölən və xəsarət alan sürücülərin kimliyini öyrənməyə çalışır. Faktla bağlı cinayət işi başlanıb.
Musavat.com
