Mirzəyanın 5 günlük ABŞ səfəri – Ağ Ev Bayramovu da dəvət edəcəkmi? Xəbər verildiyi kimi, Ermənistan XİN başçısı Ararat Mirzəyan neçə gündür ABŞ-da səfərdədir (2-6 may). Səfər çərçivəsində o, dövlət katibi E.Blinken və onun müavini V.Nulandla, digər rəsmi şəxslərlə görüşüb. “Qarabağ məsələsi”ni, “status” və Minsk Qrupu məsələsini təzədən canlandırmağa, ABŞ rəsmilərinin də dilindən analoji ifadələri qoparmağa çalışıb. Yəni Bakının 5 bəndlik təklifi əsasında sülh müqaviləsinin imzalanması məsələsində İrəvanın irəli sürdüyü “artsax” şərtinə Birləşmiş Ştatların dəstəyini almağa səy edib.
Ermənistana ABŞ-ın belə xüsusi diqqət-qayğısında, diplomatik fəallığında əsas hədəfi və gözləntisi nədir: ədalətli sülh prosesinə real töhfə vermək istəyi, Paşinyan iqtidarını gücləndirmək, yoxsa? Azərbaycan XİN başçısı Ceyhun Bayramov da ABŞ-a səfər dəvəti alacaqmı?
Kremlin “SSRİ-2” planı - Putin təkcə Azərbaycana dəyməyəcək iddiası
“Rusiya Prezidenti Vladimir Putin keçmiş Sovet İttifaqına aid, demək olar ki, bütün ölkələri ələ almaq istəyir, amma bu, Azərbaycana aid deyil”.
Bu sözləri məşhur ukraynalı jurnalist Dmitri Qordon “Ukrayna 24” kanalının efirində deyib.
Onun sözlərinə görə, Putin “Maksimum proqramı”nı həyata keçirmək niyyətindədir. “Bura Ukrayna, Moldova, Belarus, Gürcüstan, Qazaxıstan, Baltikyanı ölkələr, Özbəkistan, Türkmənistan və Tacikistan aiddir. Qırğızıstanla Ermənistanı da bu siyahıya ala bilərəm, amma Azərbaycanı qatmayacam. Azərbaycanla çətin olar, o, Türkiyənin maraq dairəsindədir. Onun çox yaxşı ordusu, güclü silahı var. Çətin olacaq”, - deyə o bildirib.
Belə çıxır, Putinin “SSRİ-2” planı Ukrayna müharibəsi fonunda da öz aktuallığını saxlayır? Belədirmi? “SSRİ-2” bir yana, Putun heç Rusiyanın özünü qoruya biləcəkmi?
Putin Lavrovun əvəzinə üzr istədi – Kremlin zəif yeri
Rusiya Prezidenti Vladimir Putin xarici işlər naziri Sergey Lavrovun yəhudilər əleyhinə sözlərinə görə İsrail Baş naziri Naftali Bennettdən üzr istəyib. Bu barədə İsrail Baş nazirinin dəftərxanası məlumat yayıb. Bildirilib ki, Bennett üzrxahlığı qəbul edib və izahat üçün təşəkkürünü bildirib.
Qeyd edək ki, Sergey Lavrov Ukrayna Prezidenti Vladimir Zelenskinin yəhudi əsilli olmasına münasibət bildirərkən nasist lider Adolf Hitlerin də yəhudi qanı daşıdığını, ən qatı antisemitlərin elə yəhudilər olduğunu söyləmişdi.
Bəs nədən üzrxahlığı Lavrovun özü deyil, Putin elədi? Məlumdur ki, Putin dövlət başçısı kimi ümumiyyətlə kimdənsə üzr istəməyi sevmir. Yəni olduqca ciddi səbəb var ki, buna gedib. Hansı? Kremlin İsrail qarşısında zəif yeri hazırda nədir?
Bunu da qeyd edək ki, qalmaqaldan sonra İsrail tərəfi Lavrovdan üzrxahlıq tələb eləmiş və Ukraynaya hərbi yardım edəcəyini bildirmişdi.
Bu və gündəmdəki bir çox xəbərləri bu gün saat 12.00-də aparıcı Sevinc Telmanqızının təqdimatındakı “Canlı debat” verilişində izləyə bilərsiz. Qonağımız Atlas Araşdırmalar Mərkəzinin rəhbəri Elxan Şahinoğlu olacaq. Müzakirədə tamaşaçılarımız da iştirak edə bilər.
Facebook səhifəsinin ünvanı:
Youtube səhifəsinin ünvanı:
https://www.youtube.com/user/TVmusavat
Musavat.com
