Ermənistanın Rusiyaya ixracına qoyulan məhdudiyyətlər ən pis halda Ermənistanın ÜDM-nin 2% azalmasına səbəb ola bilər.
Musavat.com-un məlumatına görə, bu barədə Ermənistan Mərkəzi Bankının sədri Martin Qalstyan mətbuat konfransında bildirib. O qeyd edib ki, Ermənistanın Rusiyaya ixracı ölkənin ÜDM-nin təxminən 6%-ni təşkil edir. Rusiyanın məhdudiyyətlər tətbiq etdiyi mallar isə bu həcmin təxminən üçdə biri həcmindədir. Qalstyan əlavə edib ki, potensial mənfi təsirin miqyası məhdudiyyətlərin müddətindən asılı olacaq.
Əlavə edək ki, parlament seçkiləri ərəfəsində Rusiyada Ermənistan məhsullarına qoyulan qadağa davam edir. Hələlik Moskvadan İrəvana seçki nəticələri ilə bağlı təbriklər əvəzinə, təhdidlər gəlir.
Musavat.com
