“İndiki çətin şəraitdə “artsax”ın (Qarabağda rus sülhməramlılarının nəzarət zonasında hələ də qalan qondarma və oyuncaq rejimə ermənilərin qoyduğu uydurma ad-red.) istənilən hökumətinin qarşısında bir neçə əsas vəzifə durur”.
Musavat.com erməni mediasına istinadən xəbər verir ki, bu barədə Ermənistan parlamentinin üzvü “Şərəf duyuram” adlı müxalif fraksiyasının katibi, revanşist Tiqran Abramyan yazıb. Qeyd edək ki, bu həyasız tipi hələ Azərbaycan sərhədinin həndəvərində görən olmayıb.
Tiaqran Abramyan İrəvandan Qarabağ separatçılarına aşağıdakı “əmrləri” verir:
Birincisi, resursların ən ədalətli bölgüsü və antiböhran idarəetməsi vasitəsilə prioritetlərə uyğun tətbiqi.
İkincisi, yaranmış ağır psixoloji vəziyyət cəmiyyətlə səmimi və açıq dialoqun davam etdirilməsi.
Üçüncüsü, daxildə xaosa və ümumilikdə cinayətə düçar etməyə çalışanlara sıfır dözümlülük. Nəyin bahasına olursa olsun, dəmir intizamı təmin etmək.
Dördüncüsü, daxili siyasi yerdəyişmələr, təyinatlar və istefalar dar siyasi qrupların üstünlükləri əsasında yox, səriştə və qabiliyyət əsasında aparılmalıdır.
Musavat.com
