Türkiyədə 9 vilayətdə qanunsuz əməliyyatlar edərək bankları 100 milyon lirə məbləğində aldadan şübhəlilərə qarşı əməliyyat keçirilib.
Musavat.com xəbər verir ki, əməliyyatda 23 nəfər saxlanılıb.
İstanbul Maliyyə Cinayətləri ilə Mübarizə Şöbəsinin qrupları qeyri-qanuni əməliyyatlar edərək bəzi bankları aldadan şəbəkənin olduğunu müəyyən edib. Komandalar İstanbul, İzmir, Adana, Tekirdağ, Kocaeli, Uşak, Batman, Elazığ və Tuncelidə 31 şübhəlinin qaldığı ünvanlara eyni vaxtda basqın edilib.
Əməliyyatlar zamanı 31 şübhəlidən 23-ü saxlanılıb.
Şübhəlilərin evində aparılan axtarışlar zamanı 8 POS cihazı, bir çox müxtəlif banka aid kredit kartları, 400 min lirə, 49 sikkə, 3 ov tüfəngi, 2 vinçester, 1 sənədsiz tapança ələ keçirilib.
Musavat.com
