Türkiyənin Ankara şəhərində Yiğit Bozkurt adlı şəxs söhbət etmək üçün qapısına getdiyi keçmiş sevgilisi Gaye G.-ni tapança ilə başından vuraraq öldürüb.
Musavat.com xəbər verir ki, hadisədən sonra qaçan Y.Bozkurt mindiyi taksidə tutulacağından qorxduğu üçün eyni silahla intihar edib.
Silah səslərini eşidən qonşuların xəbəri üzərinə hadisə yerinə çoxlu polis və sağlamlıq qrupları göndərilib. Hadisə yerinə gələn qruplar tərəfindən edilən ilk müayinə zamanı gənc qadının həyatını itirdiyi təyin olunub.
Hadisə ilə bağlı istintaq başlayıb. Gaye G. və keçmiş sevgilisi Yiğit Bozkurtun cəsədləri morqa aparılıb.
Musavat.com
