“Tərtər işi” üzrə bəraət almış daha bir hərbçiyə təzminat ödəniləcək.
Musavat.com News24.az-a istinadən xəbər verir ki, bu barədə sosial şəbəkələrdə məlumat yayılıb.
Qeyd edilib ki, bəraət almış hərbçi Emin Aibovun iddiasını Nəsimi Rayon Məhkəməsi qismən təmin edib. Qərara əsasən, ona mənəvi ziyana görə 66 min manat, maddi ziyana görə 57 min manat təzminat ödəniləcək.
Qeyd edək ki, Müddətdən artıq həqiqi hərbi xidmət hərbi qulluqçu (MAXE) Emin Hörmət oğlu Aibov dövlətə xəyanət və digər oxşar maddələrlə ittiham edilərək 15 il azadlıqdan məhrum edilmişdi. O, ötən ilin sonunda bəraət alıb.
