Bu gün Bakıda marşrut avtobusunun iştirakı ilə daha bir yol qəzası baş verib.
Musavat.com "Qafqazinfo"a istinadən xəbər verir ki, Xətai rayonu ərazisində "Bakubus" MMC-yə məxsus 32 saylı marşrut xətti üzrə hərəkət edən BMC markalı avtobusla "Toyota Prius" toqquşub.
Nəticədə hər iki nəqliyyat vasitəsinə ciddi ziyan dəyib, xəsarət alan olmayıb.
Qeyd edək ki, bundan əvvəl Sabunçu rayonu ərazisində 163 saylı marşrut xətti üzrə hərəkət edən “Daewoo” markalı avtobusla “Mercedes” markalı minik avtomobili toqquşmuşdu.
