Almaniyanın paytaxtı Berlində “Bullet train” Hollivud filminin premyerası keçirilib.
Musavat.com “Qafqazinfo”ya istinadən xəbər verir ki, aktyor və rejissor Bred Pitt öz yeni filminin təqdimatına qeyri-adi obrazda qatılıb.
Belə ki, 58 yaşlı Bred Pitt premyeraya ətək geyərək gəlib. Hollivud ulduzunun obrazı fotoqraf və izləyicilər tərəfindən böyük maraqla qarşılanıb.
Bununla yanaşı, Pittin geyimi sosial şəbəkə istifadəçilərinin də marağına səbəb olub. Bir çoxları ulduz aktyorun yeni geyim obrazlarını sınaqdan keçirməsini müsbət qiymətləndirib.
