Gender bərabərliyinin təmin edilməsi ölkənin inkişafı üçün böyük töhfə verə bilər.
Musavat.com xəbər verir ki, bunu Azərbaycan Qadınlarının VI Qurultayında BMT-nin Azərbaycandakı rezident-əlaqələndiricisi Vladanka Andreeva bildirib.
O, gender bərabərliyi istiqamətində Azərbaycan hökuməti ilə əməkdaşlığı davam etdirməyə hazır olduqlarını vurğulayıb:
"Bu gün Azərbaycan qadınları və kişiləri daha uzunömürlüdürlər, daha yaxşı təhsil ala bilir, gələcəklə bağlı daha əsaslı qərarlar ala bilirlər. Lakin həm Azərbaycanda, həm də digər ölkələrdə qadınlar qərarvermədə qadınların iştirak payı daha azdır. Biz çalışırıq ki, Azərbaycanda gender bərabərliyinin təmin olunmasında kömək edək, qadınlar, qızlar daha yaxşı təhsil alsın, daha yaxşı mövqelərdə ola bilsinlər".
Afaq Mirayiq,
Musavat.com
