Paytaxtda fərdi yaşayış evində yanğın olub.
Oxu.Az xəbər verir ki, hadisə Xətai rayonu, Nəcəfqulu Rəfiyev küçəsində baş verib.
Hadisə yerinə dərhal Fövqəladə Hallar Nazirliyinin əməkdaşları cəlb olunub.
İlkin məlumata görə, yanğın 2 mərtəbəli yaşayış binasının 2-ci mərtəbəsində baş verib. Yanğın elektrik xəttlərində baş verən nasazlıq nəticəsində yaranıb.
***
Fövqəladə Hallar Nazirliyi Bakıda ikimərtəbəli binada baş verən yanğınla bağlı məlumat yayıb.
Nazirlikdən APA-ya verlən xəbərə görə, qurumun "112" qaynar telefon xəttinə Bakı şəhəri, Xətai rayonu, İzzət Orucov küçəsində ikimərtəbəli binanın ikinci mərtəbəsindəki mənzildə yanğın olması barədə məlumat daxil olub.
Məlumatla əlaqədar FHN-in Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.
Hazırda yanğınsöndürmə işləri davam etdirilir.
