Bakının Nərimanov rayonunda yol-nəqliyyat hadisəsi baş verib.
Musavat.com APA-ya istinadən xəbər verir ki, yol qəzası Ziya Bünyadov prospektində qeydə alınıb.
Belə ki, “KIA” markalı nəqliyyat vasitəsini idarə edən sürücü sükana nəzarəti itirərək maşını “Hyundai” markalı avtomobilə çırpıb. Nəticədə hər iki avtomobildə olan sərnişinlər xəsarət alıb.
Qəzanın baş verdiyi əraziyə Yol Patrul Xidmətinin əməkdaşları cəlb edilib.
