Özbəkistanın mədəni irsinin öyrənilməsi, qorunması və təbliği üzrə Ümumdünya Cəmiyyətinin fəaliyyəti Azərbaycan ziyalılarına təqdim edilib.
Yanvarın 25-də Bakıda, Heydər Əliyev Mərkəzində Özbəkistanın Elm və Mədəniyyət Günləri çərçivəsində qala gecəsi keçirilib. Tədbirdə Ümumdünya Cəmiyyətinin nəşriyyat layihələrinin təqdimatı, həmçinin Milli Kitabxanada saxlanılan özbək incəsənətinin nadir nümunələrinin təqdim olunduğu “Özbəkistanın mədəni irsi Azərbaycan kolleksiyalarında” illüstrasiyalı kitab-albomunun təqdimatı olub.
Tədbirdə Azərbaycan Milli Elmlər Akademiyasının prezidenti, muzey və kitabxanaların, elmi-tədqiqat institutlarının direktorları, Azərbaycanın görkəmli elm və mədəniyyət nümayəndələri, ümumilikdə min yarımdan çox insan iştirak edib. Onlar “Özbəkistanın mədəni irsi dünya kolleksiyalarında” layihəsini, həmçinin Özbəkistan Prezidenti Şavkat Mirziyoyevin ölkəmizin mədəni irsinin qorunub saxlanılması və öyrənilməsi sahəsində təşəbbüslərindən bəhs edən sənədli filmi təqdim ediblər.
Alimlər qeyd ediblər ki, “Özbəkistanın mədəni irsi dünya kolleksiyalarında” layihəsi sayəsində bu gün dünyada özbək irsinin daha da dərindən tədqiqi üçün əsas olan unikal faktiki material toplanıb.
Təqdimat çərçivəsində həmçinin Azərbaycandan yeni kitab-albomun hazırlanmasında iştirak edən 20-dən çox alimə Ümumdünya Ədəbiyyatının Öyrənilməsi, Qorunması və Populyarlaşdırılması üzrə Dünya Cəmiyyəti adından təşəkkürnamələrin təqdim edilməsi mərasimi keçirilib.
Tədbirdə Dünya Cəmiyyətinin Qəyyumlar Şurasının sədri, “Eriell Group”un “Özbəkistanın mədəni irsi dünya kolleksiyalarında” layihəsinin sponsor şirkətinin rəhbəri Baxtiyor Fazılovun salamlama nitqi oxunub. O, müraciətində Özbəkistanın şanlı tarixinin və mədəniyyətinin yeni sifətlərini dünyaya üzə çıxaran, qiymətsiz eksponatları diqqətlə qoruyan və tədqiq edən Azərbaycan alimlərinə, muzey rəhbərlərinə və əməkdaşlarına səmimi təşəkkürünü bildirib.
Elm və Mədəniyyət Günləri mərasiminin əlamətdar hadisəsi Özbəkistan Kinematoqrafiya Agentliyi ilə Azərbaycan Kinematoqrafiya Agentliyi arasında əməkdaşlıq haqqında memorandumun imzalanması olub. Sənədi Özbəkistan Respublikası Kinematoqrafiya Agentliyinin direktoru Firdavs Abduxalikov və Azərbaycan Respublikasının Mədəniyyət Nazirliyi yanında Kinematoqrafiya Agentliyinin direktoru Orxan Fikrətoğlu imzalayıblar. İştirakçılar Özbəkistan və Azərbaycanın birgə çəkəcəyi “Mahmud Şeyxzadə” filminin anonsu ilə tanış olublar.
Rəsmi hissə Özbəkistanın Xalq artisti Fərrux Zakirov, Özbəkistan estradasının ulduzları Ozoda Nursaidova, Özbəkistanın və Azərbaycanın xalq artisti Gülyanaq Məmmədovanın və tanınmış opera müğənnisi, Özbəkistanın xalq artisti Ramiz Usmanovun parlaq və rəngarəng konsert proqramı ilə başa çatıb.
Musavat.com
