Rusiyanın ən zəngin iş adamlarının sərvəti bu ilin əvvəlindən 7,953 milyard dollar artıb.
Musavat.com xəbər verir ki, bu barədə “Bloomberg” agentliyi “Milyarderlərin indeksi”nə (“Bloomberg Billionaires Index”) istinadən məlumat verib.
Qeyd olunub ki, ilin əvvəlindən “Severstal”ın əsas səhmdarı Aleksey Mordaşov 2,14 milyard dollar qazanıb, onun sərvəti 23 milyard dollar təşkil edir.
"NLMK" Direktorlar Şurasının sədri Vladimir Lisinin sərvəti 1,35 milyard dollar artaraq 25,3 milyard dollara çatıb.
Eyni zamanda, “Lukoyl”un təsisçisi Vahid Ələkbərov 838 milyon dollar qazanıb, hazırda onun sərvəti 25,5 milyard dollardır.
Məlumata görə, ən böyük itkini təbii qaz istehsalçısı "Novatek" şirkətinin səhmdarı Gennadi Timçenko verib, onun sərvəti 248 milyon dollar azalaraq 13,9 milyard dollara düşüb.
Musavat.com
