Kikboksinq üzrə dünya çempionu Zaur Yusifov ötən gecə yaşadığı Binəqədi rayonu, 6-cı mikrorayon ərazisindəki evinin qarşısındakı mağazanın içində qətlə yetirilib. O, odlu silahla öldürülüb.
Bu barədə Musavat.com-a məlumat daxil olub.
Qeyd edək ki, Z.Yusifov 2019-cu ilin mayında 78 bıçaq zərbəsi ilə öldürülən, kriminal aləmdə "Emin 444" ləqəbi ilə tanınan avtoritet Emin Səfərovun qətlində təqsirli bilinib həbs edilmişdi. Lakin onun əməli sübuta yetirilməmiş, nəticədə o, məhkəmənin qərarı ilə ötən ilin oktyabrında bəraət almışdı.
Qətllə bağlı ilkin versiya ondan ibarətdir ki, hadisəni mərhum E.Səfərovun qardaşı Elçin törədib. Hazırda dünya çempionunun qətlə yetirildiyi yerdə izdiham yaşanır.
Cavanşir Abbaslı
Musavat.com
"Emin 444" ləqəbi ilə tanınan avtoritet Emin Səfərov
Zaur Yusifov
