Avstraliya hökuməti rusiyalı rəsmilərə qarşı sanksiyalar tətbiq edib.
“Report” xarici KİV-ə istinadən xəbər verir ki, bu barədə Avstraliya Xarici İşlər Nazirliyi məlumat yayıb.
Yeni sanksiyalar siyahısına Federal Penitensiar Xidmətin direktor müavini Valeri Boyarinov, Federal Penitensiar Xidmətin Yamalo-Nenets Muxtar Dairəsi üzrə rəhbəri İqor Rakitin və s. daxildir. Onlar müxalif siyasətçi Aleksey Navalnının öldüyü cəzaçəkmə müəssisəsi ilə bağlıdırlar.
Qeyd olunub ki, sanksiyalar A.Navalnının martın 1-də keçirilməsi planlaşdırılan dəfn mərasiminə təsadüf edir.
Bildirilib ki, Avstraliya siyasətçinin ölümü ilə bağlı müstəqil və şəffaf araşdırma aparılmasına çağırış edir.
