Türkiyənin Antalya şəhərinə uçan Korendon Hava Yollarının sərxoş halda sərnişini həmkarlarının alqışları altında təyyarədən çıxarılıb.
Bu barədə Britaniyanın "The Mirror" nəşri məlumat yayıb.
Mənbənin sözlərinə görə, polis çağırılan zaman təyyarə Nyukasl hava limanında uçuş-enmə zolağından hələ çıxmamışdı. Məlum olub ki, 43 yaşlı Pol Karlinq o qədər sərxoş olub ki, özü ayağa qalxa bilməyib, polislər ona kömək etməli olublar.
Həmin şəxsin özünü aqressiv apardığı, hüquq-mühafizə orqanlarının əməkdaşlarını təhqir etdiyi qeyd olunur. Bildirilib ki, Karlinqin beş cinayətə görə dörd məhkumluğu var. O, həmin vaxt psixi xəstəlikdən əziyyət çəkdiyini, lakin hazırda dərman qəbul etdiyini etiraf edib. (Publika.az)
