Türkiyəli məşhur iş adamı Acun Ilıcalı ötən həftə keçmiş həyat yoldaşı, fenomen Şeyma Subaşı ilə haqqlarında çıxan xəbərlərə münasibət bildirib.
Axşam.az xəbər verir ki, bir müddət əvvəl istirahətdə olarkən Acunun qızları Melisaya görə Şeyma ilə mübahisə etdiyi, bundan sonra fenomenin bacısı ilə danışmadığı iddia edilmişdi.
Bu barədə "Beyaz maqazin" proqramına danışan iş adamı iddiaları təkzib edib:
"Bir dəli quyuya daş atıb, heç kim onu çıxara bilməyib tərzində hekayədir. Nə səs yazısı, nə video var. Bir foto və ondan çıxartdıqları nağıl var. Belə hekayələr təbii ki, normaldır. Məşhurluq bərabərində belə şeyləri də özü ilə gətirir. Dalaşmaq mənim canımda yoxdur. Nə mübahisə, nə də gərginlik yaşadım. Şeyma orda mənə həyəcanlı bir formada söz deyirdi. Dalaşmadıq, gözəl söhbətimiz oldu. Zatən 5 dəqiqə görüşdük. Şeyma ilə heç bir problemim yoxdur, o, mənim uşağımın anasıdır. Onun hər zaman xoşbəxt olmasını istəyirəm".
