ABŞ Konqresi Ukraynaya qarşı müharibədə rusların "Starlink" peyk rabitəsindən kütləvi şəkildə istifadə etməsinə görə İlon Maskın "SpaceX" şirkəti ilə bağlı parlament araşdırmasına başlayıb.
Musavat.com xəbər verir ki, “The Washington Post”un yazdığına görə, istintaq Nümayəndələr Palatasından olan demokratların təşəbbüsü ilə baş tutub.
Konqresmenlər Jamie Raskin və Robert Garcia "SpaceX"ə məktub göndərərək, Ukraynanın Rusiya tərəfindən işğal olunmuş ərazilərində "Starlink" terminallarının qanunsuz istifadəsinə qarşı hansı tədbirləri gördüyünü izah etməyi tələb ediblər. Məktubda həmçinin xəbərdarlıq edilib ki, rusların Starlink sistemindən istifadə etməsi "Ukraynanın təhlükəsizliyi, ukraynalıların həyatı və ABŞ-ın milli təhlükəsizliyi üçün ciddi təhlükə yaradır".
Yalnız "The Washington Post" tərəfindən əldə edilən məktubun mətnində deyilir:
"Biz sizin adekvat qoruyucularınızın olmaya biləcəyinizdən narahatıq".
Nəşr qeyd edir ki, “Starlink” peyk rabitəsi Ukrayna qoşunlarına mühüm üstünlük verib, cəbhə xəttində əsgərlərin hərəkətlərini daim əlaqələndirmək, pilotsuz uçuş aparatlarına nəzarət etmək və artilleriya zərbələrini koordinasiya etmək qabiliyyətini təmin edib. Konqresmenlər rus işğalçılarının indi "Starlink"dən eyni şəkildə faydalana biləcəyindən narahatdırlar.
Qanunvericilər araşdırmalarına yenicə başlayırlar, lakin onlar Pentaqon və digər aidiyyatı qurumlarla əlaqə saxlamağı planlaşdırırlar.
Musavat.com
