ABŞ Mərkəzi Komandanlığı (CENTCOM) bəyan edib ki, Şərq vaxtı ilə saat 19:15-də ABŞ qüvvələri İrana qarşı bu həftə ərzində üçüncü zərbə dalğasına başlayıb. Bəyanata görə, əməliyyat İran İslam İnqilabı Keşikçiləri Korpusunun Hörmüz boğazından keçən, Kipr bayrağı altında üzən "M/V GFS Galaxy" konteyner gəmisinə hücumuna cavab olaraq həyata keçirilib.
Musavat.com xəbər verir ki, hücum nəticəsində mülki ekipaj üzvlərindən biri itkin düşüb, gəmidə yanğın baş verib və mühərrik bölməsinə ciddi ziyan dəydiyi üçün gəmi səfərini davam etdirə bilmir. CENTCOM qeyd edib ki, İran daha əvvəl ticarət gəmilərinə qarşı hücumlara görə məsuliyyətə cəlb edildikdən sonra imzalanmış Anlaşma Memorandumuna əməl etmək üçün növbəti imkan əldə etsə də, bunu etməyib.
ABŞ Mərkəzi Komandanlığının bildirdiyinə görə, həyata keçirilən zərbələrin məqsədi İranın Hörmüz boğazından sərbəst keçən mülki dənizçilərə və ticarət gəmilərinə hücum imkanlarını zəiflətməkdir. Bəyanatda vurğulanır ki, əməliyyatlar ABŞ Ali Baş Komandanının göstərişi əsasında icra olunur.
Musavat.com
