Sosial şəbəkələrdə İranın cənubundakı Bəndər-Abbasa ABŞ zərbələrinin görüntüləri yayılıb.
Musavat.com xəbər verir ki, CNN-ə danışan amerikalı rəsmi bildirib ki, İrana qarşı həyata keçirilən zərbələr cəzalandırıcı xarakter daşıyır və yaxın vaxtlarda başa çatması gözlənilmir.
Xatırladaq ki, ABŞ Mərkəzi Komandanlığının (CENTCOM) açıqlamasına görə, zərbələr İranın Hörmüz boğazında kommersiya gəmilərinə hücumlarına cavab olaraq həyata keçirilir. ABŞ tərəfi bu əməliyyatların məqsədinin İranın hərəkətlərinə görə ağır bədəl ödəməsini təmin etmək olduğunu bəyan edib.
***
İranda güclü partlayışlar baş verib
İranın cənub bölgəsində çoxsaylı partlayış səsləri qeydə alınıb.
Musavat.com xəbər verir ki, ölkənin "Fars" xəbər agentliyi Qeşm adasının cənubunda yerləşən Sirik şəhərində 10, Misan kəndində isə 4 partlayışın baş verdiyini bildirib.
***
ABŞ İranın Hörmüz boğazından keçən kommersiya gəmilərinə hücumlarına cavab olaraq genişmiqyaslı hərbi əməliyyata başladığını açıqlayıb.
Musavat.com xəbər verir ki, ABŞ Mərkəzi Komandanlığı (CENTCOM) bildirib ki, İranın beynəlxalq sularda hərəkət edən və mülki şəxslərin olduğu üç kommersiya gəmisinə atəş açması və hücum etməsindən sonra İran ərazisinə qarşı silsilə güclü zərbələr endirilməyə başlanılıb.
CENTCOM-un açıqlamasında qeyd olunub ki, bu əməliyyatlar İranın kommersiya gəmiçiliyinə qarşı hücumlarına yüksək bədəl ödətmək məqsədi daşıyır.
ABŞ hərbi komandanlığı vurğulayıb ki, İranın Hörmüz boğazında nümayiş etdirdiyi aqressiya heç bir təxribat olmadan baş verib, beynəlxalq gəmiçiliyin təhlükəsizliyini təhdid edib və atəşkəs rejiminin açıq şəkildə pozulması hesab olunur. ABŞ zərbələrinin məhz bu hücumlara cavab olaraq həyata keçirildiyi bildirilib.
***
ABŞ İranın Hörmüz boğazındakı hücumlarına cavab olaraq zərbələrə başladığını açıqladı
Musavat.com xəbər verir ki, ABŞ Mərkəzi Komandanlığı (CENTCOM) İranın Hörmüz boğazında üç ticarət gəmisinə hücum etdiyini bildirərək, buna cavab olaraq İrana qarşı genişmiqyaslı zərbələrə başladığını açıqlayıb.
CENTCOM əməliyyatın detalları və hədəflər barədə əlavə məlumat verməyib.
Qeyd edək ki, Hörmüz boğazı qlobal neft daşımaları üçün strateji əhəmiyyət daşıyan əsas dəniz keçidlərindən biridir.
Musavat.com
