33 illik həyat yoldaşı Vesile Erçelik tərəfindən illərdir şiddətə məruz qaldığını deyən Nurullah Erçelik məşhur aparıcı Esra Erolun proqramına müraciət edərək kömək istəyib.
Musavat.com xəbər verir ki, Nurullah Erçelik həyat yoldaşının onu dəfələrlə evdən qovduğunu və daha dözə bilməyəcəyini bildirib.
Həyat yoldaşının ona şiddət tətbiq etdiyini deyən Erçelik sözlərini belə davam etdirib: "Oktyabrın 2-də evə girmək istəyəndə qapını açmadığı üçün başqa yerə getdim. Dava etdiyimiz üçün küçədə qaldım. Evdə olmağımı istəmir. Mən evdən gedən kimi qardaşlarıma zəng vurub xəbər verir. 3 uşağım və qardaşlarım var amma heç kimin yanına gedə bilmirəm. Mübahisə zamanı çiynimə vurub "kişisənsə məni vur” deyir. Mən onu heç vaxt vurmamışam, getməyə yerim yoxdur. Mənə kömək edin”.
Musavat.com
