Rusiyada, Yakutiyada məhkəmə 23 yaşlı yerli sakinə qarşı 19 yaşlı hamilə bacının qətli ilə bağlı işə baxacaq.
Milli.Az bildirir ki, bu barədə Rusiya İstintaq Komitəsinin respublika idarəsinin rəsmi nümayəndəsi Nadejda Dvoretskaya məlumat verib.
Məlumata görə, iyunun 28-də qız bacısı ilə mübahisə edib, onlar dalaşmağa başlayıblar. Daha sonra sərxoş təqsirləndirilən şəxs bıçağı götürərək qohumunu bıçaqlayıb. Mərhum hamiləliyinin beşinci ayında idi və rusiyalı qadın bundan xəbərdar olub.
Fakta görə Rusiya Federasiyası Cinayət Məcəlləsinin 105-ci maddəsinin 2-ci hissəsi ("Qətl") ilə iş başlanıb. Qatil öz günahını tamamilə etiraf edib.
