Türkiyədə mübahisə etdiyi böyük bacısı Mələk Aslanı güllələyərək öldürən Mustafa Aslan və cinayətə təşəbbüs göstərdiyi iddia edilən Orxan Vatanseverin ömürlük həbs cəzası Apellyasiya Məhkəməsi tərəfindən qüvvədə saxlanılıb.
Musavat.com xəbər verir ki, sözügedən qətl hadisəsi Türkiyənin Diyarbəkir şəhərində baş verib.
Qətldən bir həftə əvvəl Mustafa Aslanın internetdə “Zina edən bacını öldürmək şəriətə görə olarmı?”, -deyə axtarış etməsi məlum olub.
21 oktyabr 2020-ci il tarixində baş verən hadisədə Mustafa Aslan evdə olmayan böyük bacısı Mələk Aslan ilə görüşmək üçün şəhərə gəlib. Mələyin keçmiş sevgilisi Orxan Vatanseverin fahişəlik və fırıldaqçılıq ittihamına görə qardaş-bacı arasında mübahisə yaşanıb.
Mustafa Aslan özü ilə gətirdiyi silahla bacısını vuraraq öldürüb. Polislər tərəfindən nəzarətə alınan Mustafa Aslan köçürüldüyü məhkəmə binasında hakim tərəfindən həbs edilib. Mustafa Aslanı cinayətə təşviq etmək iddiası ilə Sakaryada saxlanılan Orxan Vatansever də həbs edilib.
Musavat.com
