Zəlzələ nəticəsində dağılan binaların 170 milyon tondan çox tullantıya səbəb olduğuna və onların daşınmasının 3-4 ildən çox vaxt aparacağı açıqlanıb.
Musavat.com xəbər verir ki, bu barədə türkiyəli mütəxəssis Mehmet Ali Küçüker açıqlama verib.
Fevralın 6-da Kahramanmaraşın Pazarcık və Elbistan rayonlarında baş verən fəlakətlərin ətraf mühitə çox ciddi təsir göstərdiyi də bildirilib.
Ekoloji baxımdan qiymətləndirilməsi lazım olan ən mühüm məsələlərdən birinin zəlzələdən sonra yaranan tullantıların idarə olunması olduğunu izah edən Mehmet Ali Küçüker, çökən binalardan qalan tullantılar və dağıntılar üçün həll yolu tapılmalı olduğunu xatırladıb: “Amerikadakı məlumatların işığında apardığımız araşdırmalar nəticəsində 170 milyon tondan çox zəlzələ dağıntıları ilə qarşılaşmalı olacağıq. 212 min binada dağıntı var. Onların arasında təkcə tikinti tullantıları yoxdur. Evlərdəki əşyalar da nəzərə alınmalıdır".
Musavat.com
