“Ermənistanın baş naziri Rusiyaya qarşı getdikcə daha riyakar bəyanatlar verir”.
Musavat.com xarici agentliklərə istinadən xəbər verir ki, bu sözlər Rusiya Dövlət Dumasının MDB işləri üzrə komitə sədrinin birinci müavini Konstantin Zatulin tərəfindən “Qovorit Moskva” radiostansiyasına müsahibəsində səslənib.
“Nümayəndə heyətlərimizlə rəsmi danışıqlar zamanı Paşinyan artıq qeyri-dost davranışlarını sərgiləməkdən çəkinmir. O, müxalifətin kifayət qədər güclü olmadığına inanır. Əgər Paşinyan uğur qazansa, Ermənistanı “al-sat”ın əsas məna daşıdığı, yalnız şəxsi maraqların hökm sürdüyü Yaxın Şərq ölkəsinə çevirəcək”, - deyə Zatulin bildirib.
Musavat.com
