Zaqatala rayonu Yuxarı Tala kəndində dağlıq-meşəlik ərazidə baş vermiş yanğının söndürülməsi istiqamətində Fövqəladə Hallar Nazirliyi (FHN) tərəfindən işlər davam etdirilir.
Musavat.com xəbər verir ki, yanğının söndürülməsi hələlik mümkün olmasa da geniş ərazilərə yayılmasının qarşısı alınıb.
Qeyd edək ki, avqustun 30-da Zaqatala rayonunun Yuxarı Tala kəndi yaxınlığında dağlıq-meşəlik ərazidə yanğın baş verib. FHN-in müvafiq qüvvə və texnikaları, o cümlədən 2 ədəd helikopteri yanğınsöndürmə işlərinə cəlb olunub.
