Rusiyanın bir sıra regionlarında 75 pilotsuz təyyarə vurulub.
Musavat.com publika.az-a istinadla xəbər verir ki, bu barədə Rusiya Müdafiə Nazirliyi məlumat yayıb.
Qeyd olunub ki, Rostov və Orlov vilayətlərində ATS-lərin əksəriyyəti vurulub.
“Dünən gecə Kiyev rejimi pilotsuz uçuş aparatlarından istifadə etməklə Rusiya Federasiyası ərazisində yerləşən hədəflərə hücumları həyata keçirib”, - deyə açıqlamada bildirilib.
Rostov vilayətində 36, Orlovda 17 pilotsuz təyyarə vurulub. Kurskda daha səkkiz PUA, Belqorodda doqquz, Ryazanda iki pilotsuz təyyarə vurulub. Voronej vilayəti, Azov dənizi və Krasnodar diyarında bir pilotsuz təyyarə məhv edilib.
