Yeni il gecəsi Fransada 745 avtomobil yandırılıb, müxtəlif hadisələrdə saxlanılanların sayı isə 380 nəfəri keçib.
Musavat.com xəbər verir ki, bu barədə Fransanın daxili işlər naziri Cerald Darmanin məlumat verib: “Bu il ümumilikdə 745 avtomobil yandırılıb”, o, "CNews" telekanalında yayımlanan mətbuat konfransında bildirib.
Nazir bildirib ki, bu, bir il əvvəlkindən 10 faiz azdır, baxmayaraq ki, Daxili İşlər Nazirliyinin 2023-cü il yanvarın 1-nə olan hesabatına əsasən, o zaman Yeni il ərəfəsində cəmi 690 avtomobil yandırılıb.
Daxili İşlər Nazirliyinin rəhbəri qeyd edib ki, bu gecə 2022-ci illə müqayisədə ümumilikdə daha sakit keçib.
İğtişaşların yatırılması zamanı 40-a yaxın hüquq-mühafizə orqanının əməkdaşı xəsarət alıb ki, bu da bir il əvvəlkindən 40 faiz azdır. Söhbət əksər hallarda hüquq-mühafizə orqanları əməkdaşlarının pirotexniki vasitələrdən istifadə etməklə atəşə tutulması nəticəsində alınan yüngül xəsarətlərdən gedirdi. O vurğulayıb ki, xəsarətlərin və iğtişaşların miqyasının azalmasına digər məsələlərlə yanaşı, sərhədlərdə nəzarətin gücləndirilməsi və qanunsuz pirotexniki vasitələrin müsadirə edilməsi ilə nail olunub.
Musavat.com
