Trampın komandası evsiz insanlara Qrenlandiyanın alınmasına dəstək üçün rüşvət təklif edib.
Musavat.com xəbər verir ki, bu barədə Danimarka (DR) mediası məlumat yayıb. Qeyd edilir ki, bəziləri tez-tez Qrenlandiyanın paytaxtı Nuuk şəhərindəki "Brugseni" supermarketinin qarşısında olur.
"Brugseni"nin bir neçə işçisi Tramp Juniorun PR əməkdaşlarının mağaza qarşısındakı küçədə gəzərək "Make America Great Again" (Amerikanı Yenidən Böyük Et) şüarı ilə papaqlar payladığını və həmin insanları "Hans Egede" hotelində pulsuz nahara dəvət etdiyini iddia edir".
Yerli sakin jurnalistlərə bildirib ki, Trampın komandasının vətəndaşları MAGA papaqlarını geyinməyə və Trampı dəstəkləyən ifadələr səsləndirdikləri videolarda görünməyə məcbur etdiyini şəxsən görüb.
Qrenlandiya parlamentinin üzvü Aya Hemnitz DR-a məlumat verib ki, bu insanlara sosial şəbəkələrdə və podkastlar üçün hazırlanmış videoçarxların kütləvi səhnələrində çıxış etmələri müqabilində pulsuz yemək təklif edilib.
Afaq,
Musavat.com
